Crónica dende Cabío

Sorprendeu o sol en Cabío. A mañá presentouse apacible e disposta para non chover, ventar ou conxelar. Entre medias nubes e algún ceo claro transcorreu o Campionato veterán de cross en Pobra do Caramiñal. A paisaxe foi de mar, entre piñeiros e chan de terra mollada, candeas e area. Un circuíto irregular e para pernas sufridas foi deteriorándose conforme avanzaban as probas, o barro ía amolecendo e a area facíase revoltallo.
O ambiente foise expresando en ánimos e aplausos durante as diferentes carreiras, en comentarios de avatares atléticos e non atléticos de agora antes e despois. Alí estiveron centos de atletas veteráns para vivir e participar nun evento máis que poida servir para ir consolidando e reivindicando o atletismo veterán galego.
Nestas circunstancias, alí en plena beira de praia inaigurouse ás 11:45 o campionato, previa competición das categorías menores. Foron as mulleres, todas xuntas, porque entre todos os anos sumaron 18, pouca presenza, pero de seguro que aos poucos virán outros tempos e máis atletas que sumar.
A carreira dende o comezo foi dominada por María Soledad Castro (CSCV), e a medida que ía comendo metros alongaba a distancia ás súas predecesoras, cruzou a meta nun tempo de 19:53, despois de ter completado os 5500m. aproximados. A segunda resultou ser María Isabel Sáez Batallán (OAAP),21:’15» a quen lle insinuamos que noutros posibles campionatos compita coa indumentaria do equipo ao que representa. E terceira en meta será Montserrat Carreira Costas (CSCV), 22′:06». Todas elas, W40.
Nas outras categorías os podios correspondéronse do xeito que segue:

-W35: María José Grobas (CAOS) 22’:29’’; Silvia Teijeiro Ferro (OAAP),23’:19’’e Pamela Rodríguez Milazo (EGOV), 24’:18’’.
-W45; Cristina García Colomo (OAAP), 25:05; Luisa Calvo Ger males (CAOS), 26’:31’’ e María Esther Bouso Fuentecilla (OAAP), 27’:28’’.
-W50: Marina Laura Fernández López (COCO), 23’:29; Mª del Carmen Novo Varela (FLUV) 23’:56’’e Ángeles Rodríguez del Río (CAOS), 24’:53’’
-W50: Elvira Tresguerras González (SAM), 37’:56
Milagros Gómez Cagide en W45, finalizou cuarta, valéndolle ao Club a súa clasificación e a prata acadada por detrás do Academia Postal. Meritorio esforzo que o equipo recoñece e agradece.

En vertente masculina, celebráronse dúas carreiras. A primeira delas acolleu aos atletas W35 e W40 e a segunda W45 e seguintes.
A crónica de W35 e W40, escríbese coa emoción que depararou a loita polos tres primeiros postos. Aínda que a proba foi encabezada nun inicio por varios atletas resolveuse a continuación nun recital de dominio entre Xavier Díaz Fernández (LUCU) e Carlos Piñeiro Rivas (SGPO), aínda que de categorías diferentes, mantiveron oseu duelo, por afacerse co prinmeiro posto da carreira, máis rezagado pero acurtando distancia viña Alejandro Gómez (ALGC) quen chegou a reducila considerablemente, pero non bastou para acadalos. A meta foi cruzada con igual tempo polos dous primieros ,23’:55’’, mentres Alejandro Gómez en terceira posición completou o circuíto de 8500m. aprox. en 24’:01’’.
Na carreira seguinte, W45 e posteriores, os 5450 apro. m. a percorrer foron abertos e rematados con Manuel Vigo Otero (USC), quen en solitario completou o circuíto ata a meta nun tempo de 17’:03’’, seguido de Ángel Rodríguez López (CAMS), 17’:31’’ e José Martínez Santomé ( SAME),17’:34’’. Todos eles W45 .

O cadro de podium nas distintisntas categorías non especificadas foi:
-M35: Xavier Díaz Fernández ( LUCU), 23’:55’’; Antón Amoedo Jiménez (VALM), 24’:35’’ e Miguel Carrillo Silvoso,( CAMS), 24’:38’’
-M40: Carlos Piñeiro Rivas ((SGPO), 23’55’’; Alejandro Gómez Cabral (ALGC),24’:01’’ e José Manuel Fernández Márquez (OAAP) , 24’:15’’
-M50: Santiago Estévez Lado (USC), 17:56; José Luís Bouza Freire (NARO),18’:27 e José Álvarez Alfonso( VIG), 18’:33.
-M55: Antonio Soliño Castro (VALM), 18’:44’’; José Matías Regueira.(ADB), 19’:57’’ e Carlos Beiro Martínez (SMO)20’:15’’ , segundo a FGA foron 1, 3, e 4; e o 2?
-M60: José Luís Merodio Vázquez ( LUCU) 19’:53’’; Antonio Hernández Barreiro (EGOV),22’:20’’e José Fernando Sáinz García (SAR) 25’:25’’
-M65: Luís Seoane Cebreiro (BURG), 20’:40’’; Enrique Landesa Macías (VESM), 21’:45’’ e Rafael de los Arcos Lage (VESM) 25’:54’’
-M70; José Collazo Puga (VESM), 35’:38’’
-M75: Enrique Río Nieto (EGOV), 32’:19’’
-M85: Arturo Rivas Martínez (VESM), 34’:02’’

O equipo vencedor en M35-40 foi o Universidade de Santiago, seguido do Club Atletismo Milladoiro e o Club San Fernando Lucus. Correspondeu a vitoria en M45 e seguintes á Sociedade Atlética Val Miñor, completando o podio O Club Atletismo Milladoiro e o Ourense A. Academia Postal.

Esperemos poder escribir máis e máis crónicas sobre moitos futuros campionatos galegos de veteráns de cross e que eles vaian gañando en calidade e cantidade , que gañen protagonismo e importancia dentro do panorama atlético galego.

A paisaxe exterior queda recollida na foto, con circuíto ao fondo, a interior permanecerá en cadaquén polo que o esmero na organización sempre é de agradecer por levar dentro imaxes nítidas e satisfeitas. Aconteceu así en Cabío?