O Grial foi obxectivo e misterio que os Cabaleiros da Táboa Redonda pescudaron en constantes aventuras. O mito da súa existencia e significado atravesou o tempo e volveuse lenda, historia, literatura, cine…recreación, inspiración e referente de mundos máxicos e inexistentes?. O Santo cáliz e o seu mito permanecen aínda hoxe en interrogante…Estará no Cebreiro?.

A actualidade ofreceunos nestes días un Grial de carácter ben distinto: «Operación Grial», así foi chamada, quizáis porque veu afectando a heroes e ídolos, a persoeiros da dimensión deportiva. quizáis porque o achado tamén levou o seu tempo. Sen cabalos nin espadas, armados coa loxística precisa, salvando dificultades diferentes, e con obxectivos concretos iniciaron a súa encomenda os cabaleiros da Antidopaxe; e houbo vencedores e vencidos. En Valencia apareceron papeis e substancias non dignas da honra dun cabaleiro. Foi en Valencia pero a súa repercusión atravesará fronteiras coñecidas; foron nomes pero a tremoia e os roles porán en escea outros non mencionados.

A descuberta deste actual Grial non fornece ídolos e mitos, máiss ben matounos, arrubounos, do xeito máis innobre e vil : morreron «de mentira» coa mentira.

A min non me fagan moito caso, eu só escribo; son unha profana na materia de Operación Grial, e sitúo a fe no santo Grial; naqueles cabaleiros que levaban espada e escudo por defender a integridade do seu honor.

Ata o de agora afírmase que a inocencia permanece mentres a culpabilidade non sexa manifesta; mais o panorama e horizonte que se ofrece non revela nada edificante nin prometedor para dignificar e recoñecer o rol dos atletas de honra.

Primavera en outono de tempo climatolóxico, primavera de resultados para Sandra Mosquera e Marta Fernández no Cross Valle de Llodio.
Sandra respirou a súa primavera co primeiro posto na carreira feminina junior, aval que pode garantir a súa presenza no Campionato de Europa de Cross . O podio completouno con Beatriz Esteban e Atteneri Tur. O tempo invertido e a distancia de vantaxe sobre a segunda , 12:17” fronte a 12´:39” prognostican unha digna despedida de categoría. O domingo no Belarmino significará o seu bautizo de cross na categoría promesa. Sabemos que o benfacer desta atleta acarrexará positivos resultados cos que alegrarnos.
Decir que Nesta mesma carreira Leticia Fernández Barbosa do Ourense Atletismo acabou no 9º posto con 13´:56”

Marta tivo unha primavera suave e prometedora, porque foi a 9ª (28:05”) española en cruzar a meta. Despois do tempo, despois das circunstancias volve á competición a outros niveis que comprometen doutro xeito, que presionan de distinta maneira e impoñen un chisco máis. Boa resposta de Marta nesta proba que significou a introdución e contacto primiero co cross e con rivais que esperemos que volvan ser de sempre. Agardamos moitas máis competicións con moitos mellores resultados. Na clasificación xeral foi 14, nunha carreira que dominou a gacela Linet Massai ,entrando con 50” de diferencia sobre Milcah Cheywa, terceira sería Inés Monteiro . O cadro clasificatorio español e ata Marta comezou con Rosa Morató, 4ª seguida de Diana Martín; Sonia Bejarano sería 6ª; Fortuna Zegergish 7ª; Gema Barrachina 8ª; 9ª Jacqueline Martín por diante de Azucena Díaz; Estela Navascueces foi 12ª, e Irene Pelayo 13. Esperemos que esta primeira primavera siga avanzando e acade aos poucos a súa plenitude atlética.

Estivo presente tamén Consi Gómez do atletismo Ourense, clasificada no posto 30.

A carreira masculina tamén se expresou en africano, o eritreo Teklemariam Medhin foi o vencedor, seguido de Leonard Comon e Tadese. Carles Castillejo inaugurou a clasificación española sendo 8º, 9º había ser Francisco Javier e a Manuel Penas correspondeulle un meritorio 10º posto que o sitúa como 5º español.
Tamen participaron: 19º Jesús De La Fuente, 27º Juan Ant. Puosa y 37º Juan Pena.

Boa colleita en Llodio e agardamos moitas primaveras máis no cross galego.

Dende hoxe Valencia leva o número 11 mundial, en canto a rapidez en circuítos de medios maratóns e maratóns se refire. Tal condición outorgoulla o resultado da 19 edición do medio maratón celebrada este domingo, e o culpable foi o vencedor keniano Geoffrey Mutai que invertiu un tempo de 59’:30´´, cunha vantaxe de 3´´ sobre o seu compatriota Wilson Kipsang Kiprotich, 59¨:33. Terceiro quedaría o etíope Shumí Elicha con 1:00:43”.

E dende hoxe para Yolanda Guitérerrez o circuíto desta Media Maratón , non resultará indiferente. Porque como se anunciaba alí estivo e correu desafíando un crono e unha distancia. Cando finalizou a distancia os números marcaron 1:18´:31”.Os números eran un tempo que significaba marca persoal, e que lle valeu para acadar o 2º posto na clasificación xeral feminina por detrás da keniana Beatrice Jepchumba cun tempo de 1:15´:31” e por diante de Carme Sala que invertiría 1:23´:12”.

E hoxe o Comesaña Sporting Club dende esta páxina fai chegar a súa felicitación a Yolanda polos resultados obtidos, e que novos desafíos lle deparen moitas e moitas máis satisfaccións.