CO-INCIDENCIAS.

Hai coincidencias que son casualidades, outras que son causalidades, e existen coincidencias que coinciden ou fanse coincidir. Tamén se di que esta vida é unha continua puñetera elección entre feitos e cousas: se A non B, se B non A, porque irremisiblemente unha desbota a outra; seica é lóxica racional. E continuando, disque ás veces no fondo, e outras na superficie somos egoístas e interesados.
Ata aquí a introdución, o tema principal ha ser unha data e dous acontecementos: domingo 15 de maio e dúas medias maratóns; unha na Coruña outra en Thionville que han ser Campionato galego e campionato de Europa veterán respectivamente. Estas son as coincidencias, a elección escríbese dende a raiba e a dúbida de considerar e razoar a escolla máis idónea, sen chegar a ningunha conclusión decisiva: as dúas merecen interese, e como interesada non dou aclarado a mellor das opcións. Europa era unha idea xa forxada no tempo, Coruña e un campionato galego foi un encontro inesperado.

Hai coincidencias evitables?. Quizais, ou ao mellor.

Afirmo que malia terme inclinado por un campionato veterán previamente establecido, levo dentro a impotencia de non ter sido Comesaña en Equipo, de romper unha secuencia participativa, de non estar nunha referencia consolidada como atleta.
Hai coincidencias que pesan coma pedras, e volven os horizontes opacos.

Por acumulación ou aproximación, os campionatos de media maratón prodigáronse ( España, Europa, Galica)entre finais de abril e inicios de maio.
Por evitar mäis posibles atribulaciöns electivas reivindico as coincidencias evitables; e que A, non se atope con B, nin no espazo nin no tempo.

Noraboa, polo papel desenvolvido polo Comesaña na Coruña, pero afirmo que como son interesada e egoísta, tamén quixese estar aí. e descúlpenme pero son atleta e hai coincidencias que non sirven para seren aceptadas nin asimiladas tan facilmente, entón escribo. morosamente, pero xa se sabe: se A non B, escribir ou non escribir…unha escolla¿?

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.