Xoves para unha quinta xornada

A 5ª xornada da Serie Municipal, celebrouse un xoves en sesión de tarde-noite.

Nela a presenza do Comesaña foi notoria e con nota. Individualmente a maioría dos participantes melloraron a súa marca na distancia na que competiron, e a nivel de carreiras obtivéronse primeiros postos no 600 m. feminino e masculino,Ángela e Adrián,  e no 800 m. feminino, Carmela. Os segundos postos corresponderon tamén aos 600 tanto masculino como feminino, Vicente e Lorena.  Patricia nos 3000 m. veuse superada por Mª Jesús Gestido, e José Manuel cruzaría a meta segundo no 800 m. da final A. Non houbo terceiros postos, polo que nos detemos nos cuartos para mencionar a Paula nos 200 m,  Elena en 3000 m e Cándido nos 800 da final A. Os homes do 3000 foron catro chegando en pares «acompañados». No primeiro par 7º quedou Alejandro e 8º Enrique, ambos con marca persoal; no segundo par Cándido foi 11º e César entrou 12º.

A nivel xornada diríase que houbo descompensación numérica, nunhas bastante, noutras moi pouca participación. E en clave Comesaña dise que a constancia e o afán son óptimos compoñentes para reais resultados. Parabéns por ter cruzado unha meta máis.